Qishloq xo'jaligi texnikasi ishlab chiqarish 2028-yilgacha besh barobar oshiriladi

O'zbekiston qishloq xo'jaligi texnikasi ishlab chiqarish hajmini 2028-yilgacha besh barobarga oshirishni rejalashtirmoqda. Nurafshonda Belarus MTZ bilan birgalikda tashkil etilgan zavodda 80-212 ot kuchiga ega "Belarus" traktorlari yig'ilmoqda.

Mahalliylashtirish darajasini oshirish ehtiyot qismlar narxini arzonlashtiradi va fermerlar uchun texnikani qulayroq qiladi. 2026-yil aprelga qadar qishloq xo'jaligi texnikasi importi bojxona to'lovlari va utilizatsiya yig'imidan ozod etilgan.