Bir yilda go'sht qimmatladi: qo'y go'shti +27,4%, suyaksiz mol go'shti +24%

So'nggi bir yil ichida O'zbekistonda qo'y go'shti narxi 27,4 foizga, suyaksiz mol go'shti 24 foizga, suyakli mol go'shti esa 22,4 foizga oshdi. Numbeo ma'lumotlariga ko'ra, mol go'shtining bir kilogrammi qariyb 11 dollarga (130-140 ming so'm) baholanmoqda.

Narx o'sishiga yem-xashak qimmatlashuvi, naslli mol yetishmovchiligi va talabning ortishi sabab bo'lmoqda. Hukumat naslli mol importini rag'batlantirish orqali narxni barqarorlashtirishga harakat qilmoqda.