Ўзбекистон автомобиль бозори июнь ойида ўсди, бироқ енгил автомобиллар савдоси ўтган йилги даражадан пастлигича қолди

Июнь ойида Ўзбекистонда 61,4 мингта енгил автомобиль сотилди. Бу май ойига нисбатан 14 фоизга кўп, аммо ўтган йилнинг шу даврига қараганда 23 фоизга кам. Битимларнинг 61 фоизи иккиламчи бозорга тўғри келди ва у ерда савдо 16 фоиздан зиёд ўсди. Электромобиллар савдоси эса 63,5 фоизга ошди.