O'zbekistonda tirik baliq, qo'y, sigir, echki va asalarilar uchun QQS bekor qilinadi

Qishloq xo'jaligi vazirligi va Soliq qo'mitasi QQS nol stavkasi qo'llaniladigan qishloq xo'jaligi mahsulotlarining yangilangan ro'yxatini tasdiqladi. Ro'yxatga tirik baliq, yirik va mayda shoxli mollar (sigir, buqa, qo'y, echki), otlar hamda asalarilar kiritildi.

Tuzatishlardan so'ng QQS nol stavkada qo'llaniladigan mahsulotlar soni 518 taga yetdi — bu ro'yxatda meva, sabzavot, go'sht, sut, tuxum va baliq mahsulotlari bor. Imtiyoz 48 ming fermerning soliq yukini kamaytiradi: fermer va dehqonlar urug'lik, o'g'it va energiya uchun to'langan QQSni qaytarib olishda davom etadi, natijada yillik daromadlari 300 milliard so'mga yaqin oshishi kutilmoqda.